Fabrika e armëve Shkozë: Shqipërisa s'ka nevojë për bomba afër shkollave

Anxhela Qyshka

“Aty ku duhej të ndërtoheshin banesa për njerëzit në nevojë, qeveria po ndërton një fabrikë armësh. Në mes të lagjeve. Në mes të fëmijëve. Në mes të jetës sonë të përditshme.”

Kështu e nis reagimin e tij Tanush Çaushi, kandidat për deputet i Koalicionit “Nisma Shqipëria Bëhet”, pas lajmit se qeveria ka transferuar godinat e Shkozës për ndërtimin e një fabrike prodhimi armësh – pa pyetur askënd, pa lejen e Këshillit Bashkiak dhe pa asnjë debat publik.

Tanush Çaushi

“Gërdeci ndodhi një herë. Nuk duhet të ndodhë më. Po e harrojmë kaq shpejt? Apo po bëjmë gati një tragjedi të re, këtë herë në Shkozë?”

Tanushi e quan këtë vendim një shpërfillje totale të qytetarëve, të ligjit dhe të sigurisë publike.

Ai kujton se vende si SHBA, Polonia, India, kanë ligje të forta që ndalojnë ndërtimin e objekteve ushtarake në zona të banuara. “Vetëm në Shqipëri armët afrohen me njerëzit. Kjo s’është politikë. Është papërgjegjshmëri.”

Ai thekson se ndërtimi i një fabrike armësh në një lagje është një alarm për çdo qytetar:“Në vend të investojmë në shkolla, spitale dhe strehim, po financojmë armë. 3 milionë euro për një fabrikë që nuk sjell siguri, por frikë.”

Çaushi kërkon ndalimin urgjent të këtij projekti dhe hetim të plotë për mënyrën se si është marrë vendimi.

“Unë nuk do rri në heshtje. Qytetarët kanë nevojë për zë, jo për heshtje. Nuk jemi të paktë. Jemi të drejtë. Dhe të drejtët nuk tremben.”

miremengjes.net

Tags

#JoFabrikësNëLagje#ShkozëNukËshtëKazermë#GërdecNukPërsëritet#ShqipëriaBëhet#TanushÇaushi#VotoNdryshe