Intervistë me Mjeshtrin e Vedave Prashant TriVedi mbi:
Kush është qëllimi i jetës së njeriut, dalja nga matriksi,
Dituria holistike e Vedave, Çfarë është LotusOcean.
Çfarë është dituria e Vedave dhe bota e Vedave?
Ne jetojmë brenda këtij konstrukti, këtij ndërtimi gjigand që quhet Univers, jemi të rrethuar nga një mjedis me elementët natyrorë, ne jetojmë në Tokë. Në këtë Univers ku ne gjendemi brenda ka ligje natyrore hyjnore. Mënyra sesi gjërat rrjedhin, sesi natyra punon duke ndjekur këto ligje hyjnore ka mjaft rëndësi. Dituria e këtyre ligjeve hyjnore natyrore është dituria e Vedave që sundon mbi natyrën, mbi ne, mbi gjithcka. Jo dituria mbi ligjet e krijuara nga njeriu por nga Hyjnia. Jo rregullat që njeriu ka krijuar brenda një shteti të caktuar por rregulla apo ligje të krijuara nga Hyjnia/Zoti për cdo vend dhe botë. Pra kemi ligje hyjnore që vlejnë për të gjithë Universin. Ligjet hyjnore janë të vërtetat e pavdekshme dhe ato quhen dituritë e Vedave.
A kanë lidhje me shëndetin tonë këto parimet, ligjet e Vedave?
Neve njerëzit kemi një trup fizik i cili përbëhet nga 5 elementët e natyrës (uji, zjarri, toka, qielli dhe ajri) dhe kjo është vetëm sipas diturisë së Vedave. Shkenca moderne nuk të tregon ty se ti përbëhesh nga elementet e natyrës, nga uji, ajri, zjarri, toka dhe qielli por Dituria e Vedave të tregon qartë se trupi yt përbëhet nga këto elemente natyrore. Ndoshta trupi yt ka më shumë sec duhet nga elementi ujë apo ajër, ujë ose tokë atëherë ti duhet të ndryshosh dietën ushqimore dhe gjera të tjera në mënyrë që ti t’i balancosh këto elemente brenda trupit tënd dhe të mbash trupin sa më të shëndetshëm pra të përmirësosh shëndetin tënd fizik. Por për këtë të duhet dituri, si do t’a mësosh vallë atë ndryshe? Kjo lloj diturie nuk gjendet tek shkenca moderne, as nëpër shkollat e sotme. Kjo dituri vjen vetëm nga Vedat. Si t’a trajtosh trupin, si t’a mbash, cfarë ushqimesh të hash etj, i përket vetëm diturisë së Vedave, vetëm ajo të mëson praktikisht. Se si t’a trajtosh dhe mirëmbash trupin ty të duhet të dish gjendjen e elementëve brenda trupit, strukturën e tyre, cfarë natyre ose karakteristike ka në vecanti trupi yt. Në Sanskritisht natyra e trupit tënd tek Ayrvedat quhet Dosha pra konfigurimi i caktuar karakteristikë për trupin tënd fizik. Kjo është pika fillestare, si një shembull i thjeshtë.
Kjo lloj degë e diturisë së Vedave quhet Ayrveda, e cila ka të bëjë me trupin njerëzor dhe të mëson sesi të kujdesesh për trupin njerëzor, cilat janë parimet bazë të trajtimit të duhur të trupit për të patur shëndet të mirë. Cfarë lloj veprimesh duhet të kryejmë cdo ditë të cilat i mësojmë gjithashtu tek meditimi LotusOcean online që unë kam hapur në vende të ndryshme të botës. (Për shqipëtarët përgjegjëse e meditimit lotusocean është Afërdita Zaja). Pra në diturinë e Vedave ka degëzime. Ayrveda është një nga degët e saj që merret me kujdesjen e trupit fizik, e qenies tënde, mirëqenien tënde pra si të kesh një shëndet të mirë fizik, mendor dhe shpirtëror.
Cilat janë disa nga këto parimet bazë që të sigurojnë një shëndet optimal?
Gjeja bazë përsa i përket trupit fizik është postura e duhur, e folura e duhur dhe dieta e saktë. Sipas Vedave këto janë 3 pikat kryesore. Kemi parasysh se sipas Vedave preferohet dieta vegjetariane. Secili prej nesh i përket një doshe ose kombinimi i doshave ose elementet e trupit tënd karakteristike si bie fjala ajri, zjarri, uji qe ke me teper duhet t’i zvogëlosh pra t’i balancosh elementet e trupit tënd nëpërmjet dietës, kryesisht ushqimit vegjetarian tipik të Vedave. Qendërzimi i trupit është i mjaft rëndësishëm sepse trupi i njeriut është një strukturë simetrike, ka dy duar, dy këmbë etj. Trupi njerëzor është ndërtuar me qëllim që të qendërzohet, që të balancohet. Të mbash trupin të qendërzuar tërë kohës është mjaft parësore. Thelbi i meditimit të vërtetë është qendërzimi. Fjala meditim vjen nga «medi» që në anglisht është «middle (mesi, qendra)», rrenja origjinale e të cilës vjen nga Sanskritishtja «madhja» që do të thotë «mes, midis, ndërmjet» pra qendra. Kështu “madhja” u bë “medi” në latinisht dhe më vonë «middle» në anglisht. Fjala «Meditim” kryesisht do të thotë qendërzim. Ti je duke medituar kur ti e qendërzon trupin, kur ti e sjell trupin në qendër, kur flet nga qendra e zërit tërë kohës. Cdo qenie njerëzore mund t’i bëjë këto gjëra, pra cdo njeri mund të arrijë të meditojë. Këto gjëra u mësojmë njerëzve tek klasat e meditimit LotusOcean. Gjer tani njerëzit kanë menduar se të meditosh do të thotë se duhet të rrish pa lëvizur për një orë në një pozicion të caktuar. Meditimin LotusOcean mund t’a realizosh 24 orë në ditë, tërë ditët e javës dhe tërë javët e vitit, mjafton që t’a mbash trupin të qendërzuar qoftë kur gatuan, punon etj.
Çfarë është LotusOcean dhe si lidhet ajo me mësimet e Diturisë së Vedave?
Ajo që ka ndodhur është se me kalimin e kohës Dituria e Vërtetë e Vedave ka pësuar shumë korruptime. Madje dhe në vetë Indi ku tekstet themelore në sanskritisht janë më të disponueshme, Dituria e Vedave atje nuk njihet ende sot në formën e saj origjinale. Ndërkohë që deri diku ka arritur të vijë në Perëndim përmes yogave e cila është shumë e popullarizuar. Madje edhe vetë fjalën «yoga» në Perëndim e kanë shtrembëruar. Yoga vjen nga sanskritishtja “Yog” që do të thotë unifikim me më të lartin dhe hyjnorin. Yoga e vërtetë e Vedave nuk ka fare lidhje me ngrejten e këmbëve mbi kokë, aerobi apo gjimnastika të tilla që mësohen sot sidomos në Perëndim. Pjesa më e madhe e diturisë së Vedave është bërë qëllimisht shumë më e ndërlikuar, ajo është komplet e deformuar. Në lotusocean ne po flasim për diturinë e vërtetë të Vedave dhe jo për gjërat që u janë shitur gabimisht Perëndimit si dituri e Vedave si për shëmbull yoga.
Kush është kuptimi i emrit lotusocean?
Lotusi është një lule që shumica në tërë botën e njohin. Lulja e lotusit (zambakut të ujit) rritet në baltë pra në një ambjent të keq me ujë të pisët por lotusi përsëri çel. Lulja e lotusit është vërtet dicka e pastër, e këndshme. Të gjithë njerëzve u pëlqen të shohin lulen e lotusit, ka aromë të mirë dhe është e bukur. Edhe përse ka kaq korrupsion kudo përreth, njohuria e pastër origjinale e saktë është në formën e lotusit. Dituria e Vedave e vërteta rritet në formën e lules së lotusit, prandaj edhe termi lotusocean. Kjo është ajo që lotusi përfaqëson. Nga oqeani i marrëzirave dhe korrupsionit çel lulja e lotusit e cila është reale dhe e pastër.
Përvec fjalës Yoga, a ka gjëra të tjera nga dituria e Vedave që janë korruptuar, deformuar?
Gjithcka nga dituria e Vedave është korruptuar. Me gjithcka unë nënkuptoj përgjigjet e pyetjeve si “cili është qëllimi jetës njerëzore në tokë, për çfarë janë qeniet njerëzore këtu”? Shumë fe janë shfaqur në tokë. Ato janë të gjitha korrupsione dhe deformime të diturise së vërtetë të Vedave. Çfarëdo feje që ekziston në tokë tani është një korrupsion, shtrembërim i Vedave. Edhe shkenca moderne është vetëm një fe për mua, është gjithashtu një korruptim i diturisë së Vedave. Tani për tani gjithçka që njerëzit kryejnë në vend të përmirësimit të situatës së tyre, i bën ata që kurrë të mos dalin nga situata e tyre e keqe, që ata kurrë të mos evoluojnë pra që mos të rriten shpirtërisht. Njerëzit sot nuk janë fare në dijeni për Parimet e pastra të Multiversit apo ligjet hyjnore. Ata nuk i dinë ligjet hyjnore dhe kur ti nuk di ligjet hyjnore përherë do të gjendesh në telashe. Kjo është arsyeja përse njerëzit kryejnë veprime që kanë pasoja të këqija për ta. E gjithë bota po bën gjëra të gabuara, njerëzit në të gjithë botën po bëjnë gjëra që kanë pasoja negative për ta. Jo vetëm në nivelin dhe aspektin fizik, por edhe në atë mendor dhe shpirtëror gjithashtu. Çdo gjë që ata bëjnë është gabim. Kemi korrupsion kudo edhe në shkencë, arkitekturë, mjekësi, muzikë dhe në gjithçka. E gjitha dituria e Vedave që përshin të gjitha fushat e njohurisë, e vërteta mbi të është korruptuar dhe humbur. Kjo është arsyeja përse ne jemi në këtë kohë tani me kaq shumë coroditje dhe kaq shumë dhimbje dhe marrëzira. Gjithçka negative që ti mund të imagjinosh gjendet në këtë tokë tani.
Si ka ndikuar korrupsioni i diturisë së Vedave tek ne në jetët tona të përditshme?
Pasojat e korruptimit të diturisë së Vedave jane qartësisht të dukshme. Sic vërejmë shumë gjëra përditë, në këtë botë ndër të tjera ekzistojnë edhe ndotjet. Njerëzit jetojnë në një mënyrë të tillë që i bën ata të sëmuren. Për këtë arsye janë spitalet e mbushura plot! Eshte arsyeja kryesore e të gjitha vuajtjeve që njerëzit përjetojnë në këtë botë. Edhe vendet e pasura kanë më shumë probleme shëndetësore, kudo në botë ka probleme mendore. Edhe në vendet e pasura njerëzit kanë probleme mendore dhe psikologjike. E gjithë politika socialo ekonomike kudo që shihni është atje për t'i bërë njerëzit të ndihen të pasigurtë, të frikësuar për atë që po ndodh siç shohim në situatën ku jetojmë. Kudo qeveritë dhe gjithçka janë anti njerëzore, ato nuk janë për të mirën e njerëzve aspak. I gjithë sistemi që drejton qeniet njerëzore tani nuk përmban asgjë të mirë për njerëzit. Gjithmonë ka tendosje, presione ndaj njerëzve, ekzistojnë gjithmonë të gjitha llojet e sëmundjeve, gjithmonë ekzistojnë të gjitha llojet e gjërave të parëndësishme dhe të pakuptimta me të cilat njerëzit detyrohen të merren gjatë jetës së tyre të shkurtër. Në jetën e tyre të shkurtër njerëzit po kalojnë miliona probleme në jetën e tyre. Kjo vjen si rezultat i padijes së diturisë së Vedave, i padijes së të vërtetave, të fakteve realë. Njerëzit nuk kanë aspak njohuri se si të kenë një jetë të mirë. Kjo është arsyeja pse e gjithë shoqëria, e gjithë struktura, gjithçka shkon keq.
A mund të na tregoni dicka rreth këtyre të vërtetave tek libri juaj “Eposi PT”?
Unë kam vendosur në këtë libër diturinë e Vedave për njerëzit modernë, të përshtatur për kohën që ne jetojmë tani. Dituria e Vedave vjen nga kohërat shumë të lashta, qysh nga krijimi i botës. Unë e kam trajtuar këtë dituri të lashtë në një gjuhë për kohën e tanishme. Sepse njerëzit tashmë kanë një lloj të tillë arsimimi, edukimi, mentaliteti apo një mënyrë të menduari dhe ekzistence ndryshe nga ata të lashtët. Ky libër po rikthen diturinë e humbur të Vedave në kohën e tanishme dhe po ua komunikon njerëzve në gjuhën moderne që ata kuptojnë tani. Sot njerëzit nuk do t'a kuptonin këtë dituri të paraqitur në sanskritisht aq më tepër me mënyrën se si ata njerëz flisnin me njëri tjetrin shumë kohë më parë. Mentaliteti ishte ndryshe në atë kohë. Ky libër është për njerëzit e tanishëm duke u përputhur me mentalitetin e tyre, me mënyrën e të menduarit të tanishëm. Për brezin e tanishëm në tokë libri "Eposi PT" është paraqitja e diturisë së Vedave në mënyrë të tillë që brezat e tanishëm do të jenë në gjendje t'a kuptojnë.
Si t’a fillojmë përsëri lidhjen me diturinë e Vedave, si t'a zbatojmë atë në jetën tonë?
Në diturinë e Vedave ka vetëm dy gjëra të rëndësishme të cilat janë vëmendja jote dhe trupi yt. Kemi vetëm dy gjëra për të punuar. Të punosh me vëmendjen tënde nënkupton t'a vendosësh vëmendjen tënde tek gjërat e duhura. Të punosh me trupin fizik do të thotë cfarë të bësh me trupin, kjo është ajo që lidhet me mbajtjen e trupit drejt, qëndrimin drejt, qendërzimin, meditimin lotusocean, dietën e duhur. Pastaj duhet mbajtur vëmendja tek gjërat që të rrisin shpirtërisht, që të bëjnë të evoluosh. Për këtë unë kam krijuar plot video lotusocean me muzikë, filma lotusocean në internet të cilat njerëzit mund t'i kushtojnë vëmendje. Këto janë gjëra për ti parë, për të dëgjuar tinguj që të bëjnë të evoluosh. Duhet të vazhdosh të mbash vëmendjen tek gjërat që të evoluojnë njëkohësisht duke kryer veprimet e duhura me trupin fizik që ke. E gjitha kjo është si një arsim, duke mësuar sesi të përdorësh vëmendjen dhe trupin. Kjo nuk do të ndodhë brenda një dite, duhet t'a mësosh atë hap pas hapi. Sepse është diçka që duhet të ishte mësuar nëpër shkolla por kjo dituri praktike e Vedave ka humbur tashmë. Kështu që duhet t'a fillojmë përsëri gjithcka nga e para. Ju duhet të mësoni nga niveli bazë, kjo është ajo që ne u mësojmë njerëzve tek lotusocean, tek meditimi lotusocean.
Si mund të marrim në dorë situatën e tanishme të pandemisë duke përdorur si duhet këto dy mjete, vëmendjen dhe trupin?
Ç’ështja është se kujt do t'i kushtojnë vëmendje njerëzit? Njerëzit i kushtojnë shumë vëmendje mediave që u tregojnë atyre, ok urdhëro kjo është sëmundja. Kështu ata nuk do të shikojnë se çfarë po ndodh në të vërtetë. Kur media thotë që kjo po ndodh, njerëzit e besojnë në të vërtetë nuk e shikojnë veten, si mund të jetë kjo kur kjo nuk po ndikon tek unë. Edhe nëse më kap kjo e ashtuquajtur pandemia, kjo sëmundje unë nuk keqësohem. Çështja është se njerëzit po i kushtojnë vëmendje gjërave të gabuara, informacioneve të gabuara në vendet e gabuara. Njerëzit u besojnë qenieve që nuk kanë interes të bëjnë asgjë të mirë për ta. Eshtë e vërtetuar se njerëzit nuk kanë mësuar asgjë nga e kaluara, kur vendoseshin në shumë luftëra nga njerëzit që drejtojnë të ashtuquajturën qeveri. Njerëzit u dëgjojnë, u kushtojnë vëmendje këtyre qenieve keqdashëse dhe si rezultat njerëzit po vuajnë. Të ndjekësh diçka pa përdorur ndonjë farë inteligjencë, ose pa përdorur ndonjë praktikë ose ndonjë sens llogjik në një nivel bazë është çmenduri. Kjo është ajo që njerëzit janë duke bërë. Ata nuk po e përdorin vëmendjen e tyre në mënyrën e duhur, nuk kanë dieta të sakta, kequshqehen, nuk dinë si të marrin trupin e tyre nën kontroll. Njerëzit nuk kanë diturinë bazë e të jetuarit mirë dhe tashmë rezultati duket qartë. Ju e shihni se sa frikë mund të prodhohet qoftë edhe nga një histori e thjeshtë mediatike nga kaq shumë njerëz në të gjithë botën. Kjo është ajo që po shohim tani.
Edhe nëse nuk di asgjë për diturinë e Vedave, po të ishte se njerëzit do t'i kishin kushtuar më shumë vëmendje natyrës dhe jo mediave ata do të kishin patur më shumë inteligjencë. Gjenden shumë fise në botë, të cilët jetojnë në natyrë, janë të lidhur me natyrën dhe luajnë me natyrën. Ata nuk janë të prekur aspak nga gjendja e pandemisë. Pse nuk preken fare nga asgjë që gjasme ka ndodhur në këtë botë. Përse vetëm njerëzit e ashtuquajtur të arsimuar, të cilët vetëm po dëgjojnë mediat kryesore, po tremben nga pandemia dhe ato fise që kanë lidhje me natyrën nuk tremben fare. Ato fise nuk dinë për diturinë e Vedave saktësisht, por ata kanë të paktën një lidhje me natyrën. Kur lidhesh me natyrën atëherë natyra ty të dhuron inteligjence gjë që e mësojmë tek meditimi lotusocean.
Cili është qëllimi i jetës njerëzore?
Sipas Diturisë së Vedave, ky trup njerëzor është si një veshje, si një rrobë ashtu qysh veshim një rrobë dhe pastaj ndërrojmë rrobën tjetër. Njësoj si kur keni veshur rroba një vit më parë, kur rroba vjetërohet nuk e përdorni më, apo jo? Trupi është si veshja që shpirti e vë rreth vetes dhe mbulon veten. Ky quhet cikli i lindjes dhe i vdekjes pra jeton dhe merr një trup, vdes dhe më pas lind dhe merr një trup tjetër dhe një trup tjetër e kështu me rradhë. Pra njeriu ka shumë jetë në varësi të asaj që ai dëshiron të përjetojë, në varësi të dëshirave dhe mendimeve të tij, në varësi të qëllimeve të tij. Kështu që njeriu vazhdon të ketë plot jetë.
Tani kjo quhet lojë ose cikli i lindjes dhe vdekjes këtu në këtë plan ekzistence pra në tokë. Sipas diturisë së Vedave ne duhet të dalim nga ky cikël i lindjes dhe vdekjes. Sepse në këtë cikël të lindjes dhe vdekjes ka gjithmonë dhimbje dhe vuajtje. Sa herë që lindim kujdesa e jetës së kaluar shuhet. Duhet të mësosh gjithçka dhe t'ja fillosh përsëri nga e para. Çfarëdo që keni mësuar në jetën tuaj të kaluar nuk do t'a kesh menjëherë. Ju duhet të kaloni nëpër gjendjen e fëmijërisë dhe pastaj ngadalë të mësoni për botën dhe pastaj të filloni përsëri nga e para. Edhe kur arrin të mësosh plot gjëra, ti tashmë je plakur dhe atëherë po afrohet vdekja dhe pastaj të duhet të fillosh përsëri cdo gjë nga e para. Ky quhet cikli i lindjes dhe i vdekjes, pra do të ndodhesh brenda në këtë qark të pandërprerë. Eshtë njësoj si të jesh në një lojë kompjuterike vazhdimisht në nivelin 1 të lojës. Tek Vedat e rëndësishme është që të dalësh nga cikli i lindjes dhe vdekjes në mënyrë që të dalësh nga qarku duke arrirë plane më të larta të ekzistencës, aty ku ty nuk të duhet të marrësh përsëri trupa të tjerë fizikë dhe të vdesësh përsëri. Dituria e Vedave të mëson si të dalësh nga ky cikël i keq. Sipas Diturisë së Vedave ekzistojnë plane të ndryshme të ekzistencës. Toka është vecse një plan i ekzistencës në të cilën ndodh jeta dhe vdekja fizike, aty ku ndodh cikli i rimishërimit. Kështu që qëllimi i jetës njerëzore për çdo njeri është që të dalë së pari nga ky cikël i lindjes dhe i vdekjes. Kur ti je i bllokuar brenda këtij është njësoj sikur të jesh në një burg. Jeta këtu është një lloj burg sepse ti nuk ke asnjë kontroll mbi të. Nëse nuk del nga ky cikël jetë vdekje atëherë do të lindësh përsëri, vdesësh përsëri e kështu me rradhë. Dhe përsëri në lindjen tjetër ti do të përjetosh dhimbje, sëmundje ose gjëra të tjera të këqija mund t'ju ndodhin. Nuk është një cikël i mirë për të qëndruar. Kur njerëzit do të lexojnë librin " Eposi PT" ata do të mësojnë më shumë për këtë dhe për çfarë unë po flas.
Çfarë është vdekja?
Eshtë thjesht ndërrimi i rrobave për të cilën fola gjatë më parë, pra mbaron trupi që ke dhe të jepet nga Universi një trup tjetër.
Si mund të dalim nga ky cikël, çfarë duhet të bëjmë?
Pikërisht për këtë unë flas tek libri im "Eposi PT" (P’s gita). Kjo është ajo për të cilën un fola gjer tani. Eshtë një proces. Së pari duhet të fillosh të thuash me zë "Unë dua të dal nga matriksi, unë jam një qenie, unë dua mirëqenien time, dua të mirën e vetes". Duhet të arrish në këtë nivel kuptimi dhe pastaj duhet të fillosh të punosh për veten tënde. Ekzistojnë disa hapa që paraqiten edhe në libër dhe njerëzit duhet të ndjekin meditimin lotusocean për ti mësuar këto hapa. Sapo të vazhdoni të ndiqni ato hapa, rezultati përfundimtar do të jetë dalja nga cikli i lindjes dhe vdekjes, të cilin unë e quaj dalja nga matriksi. E ke parasysh filmin "Matriksi" ku Neo donte të dilte nga matriksi apo jo? Në diturinë e Vedave tregohen hapat aktualë që mund të ndjekesh, dituria e Vedave nuk është një film i trilluar por dicka praktike dhe e vërtetë. Kjo është ajo për të cilën flet libri “Eposi PT” dhe gjithcka lotusocean pra për të mësuar si të dalësh nga matriksi, nga cikli i lindjes dhe vdekjes, nga cikli i vuajtjeve dhe dhimbjeve. Njerëzit që janë të interesuar mund t'i bashkohen leximit të këtij libri dhe të fillojnë të praktikojnë meditimin lotusoean.
Intervistën e plotë mund t’a ndiqni të përkthyer në shqip në youtube tek linku i mëposhtëm:
Qëllimi i jetës, dalja nga matriksi, Vedat-Purpose of life, exit the Matrix, Vedas- Prashant TriVedi - YouTube
Comments