Ndryshimi i klases politike ne Shqiperi: A jemi gati të thyejme ciklin?

Për tre dekada me radhë, politika shqiptare ka ndjekur një rreth vicioz ku figurat ndryshojnë, por sistemi mbetet i pandryshuar. Nga ish-komunistët te politikanët e rinj, retorika e ndryshimit ka qarkulluar pa ndonjë transformim të vërtetë. Por a po vjen momenti për një ndryshim real?

Pas rënies së regjimit komunist në vitin 1991, Shqipëria u nda në dy blloqe politike: Partia Demokratike (PD), e cila premtoi ndryshim rrënjësor, dhe Partia Socialiste (PS), e dalë nga hiri i Partisë së Punës.

Por sa e madhe ishte kjo ndarje? Me Fatos Nanon në PS, që kishte rrënjët tek sistemi i vjetër, dhe Sali Berishën në PD, që adoptoi një stil autoritar lidershipi, Shqipëria përjetoi një demokraci të deformuar, ku njerëzit ndryshonin, por mentaliteti mbetej i njëjtë.

Elitat e reja, reformë apo një kostum i ri?

Me kalimin e viteve, politika shqiptare pa figura të reja si Edi Rama dhe Lulzim Basha. Rama erdhi me premtimin e modernizimit, duke e kthyer PS-në në një makineri të fuqishme elektorale, ndërsa Basha paraqitej si lider i brezit të ri, por u përfshi në po të njëjtat manovra politike si paraardhësit e tij.

Qytetarët ndihen të lodhur nga rotacioni i njëjtë mes dy partive të mëdha. Çdo zgjedhje premtohet diçka e re, por në fund vendimet mbeten në duart e një elite të vjetër, të përshtatur me rregullat e reja të lojës.

“Shqipëria Bëhet” dhe Sfida ndaj Duopolitit Politik

Zgjedhjet e 11 majit 2025 mund të jenë një pikë kthese. Partia e re "Shqipëria Bëhet" po sfidon establishmentin tradicional, duke promovuar një model të bazuar në transparencë dhe qeverisje të ndershme. Me një qasje që i jep pushtet qytetarëve dhe jo liderëve, ata janë të vendosur të ndryshojnë lojën.

Në muajt e fundit, "Shqipëria Bëhet" ka organizuar një sërë takimesh në qytete të ndryshme të vendit, ku pjesëmarrja ka qenë masive. Në Tiranë, Durrës, Shkodër, Fier dhe Korçë, jashte vendit ne diaspore mijëra qytetarë kanë marrë pjesë në diskutime të hapura, duke shprehur zhgënjimin e tyre ndaj klasës politike ekzistuese dhe kërkesën për një ndryshim të vërtetë. Në këto tubime, liderët e "Shqipëria Bëhet" kanë theksuar rëndësinë e një demokracie më të hapur dhe përfshirëse, duke i dhënë fund kulturës së korrupsionit dhe klientelizmit.

Analistët politikë kanë vërejtur se kjo parti po tërheq gjithnjë e më shumë mbështetje, sidomos nga të rinjtë dhe ata që ndihen të përjashtuar nga politika tradicionale. Programi i saj fokusohet në reforma të thella institucionale, ndarje më të drejtë të burimeve ekonomike dhe një qeverisje që synon zhvillimin afatgjatë të vendit.

Pas 33 vitesh tranzicion, Shqipëria ka nevojë për një ndryshim të vërtetë, jo thjesht një ripërsëritje të të njëjtave fytyra në role të ndryshme. Forcat e reja si "Shqipëria Bëhet" ofrojnë një mundësi reale për të thyer rrethin vicioz dhe për të ndërtuar një qeverisje që i shërben qytetarëve, jo interesave personale të një grushti njerëzish.

A jemi gati për ndryshimin? Kjo mbetet për t'u parë, por një gjë është e sigurt: Shqipëria nuk mund të vazhdojë të qeveriset me mendësinë e vjetër.